انگلینڈ کی انڈر 19 کرکٹ ٹیم کے بیٹسمین حمزہ شیخ وکٹ کیپر کو گیند اٹھاکر دینے پر آؤٹ ہوگئے۔
جنوبی افریقا میں جاری آئی سی سی انڈر 19 کرکٹ ورلڈ کپ میں ہفتہ کو زمبابوے کیخلاف میچ میں انگلینڈ کے بلے باز حمزہ شیخ عجیب و غریب انداز میں آؤٹ ہونے پر توجہ کا مرکز بن گئے۔
میچ کے 17 ویں اوور میں حمزہ شیخ نے اسٹمپ کے قریب رکنے کے بعد زمبابوے کے وکٹ کیپر ریان کامویمبا کو گیند اٹھاکر دے دی تاہم ریان کامویمبا نے احسان مند ہونے کے بجائے آئی سی سی قانون کا فائدہ اٹھاتے ہوئے انکو آؤٹ دینے کی اپیل کردی۔
زمبابوے کے وکٹ کیپر کی اپیل پر امپائر نے معاملہ تھرڈ امپائر کے پاس بھیجا جس نے فیلڈ میں رکاوٹ ڈالنے پر حمزہ کو آؤٹ قرار دے دیا۔
Wow… ☹️ https://t.co/gEb7UBSnDy
— Sam Billings (@sambillings) February 3, 2024
اس پورے واقعے نے سوشل میڈیا پر کرکٹ شائقین کو بھڑکادیا یہاں تک کہ انگلینڈ کے سابق فاسٹ بولر اسٹورٹ براڈ بھی مشتعل ہوگئے۔
اسٹورٹ براڈ نے ایکس پر پوسٹ میں لکھا “وہ گیند فیلڈر کو واپس دے رہا ہے، اس پر احسان کر رہا ہے، اسے آؤٹ نہیں کرسکتا۔”
Oh get a grip. He’s passing a stationary ball back to the fielder? Doing him a favour! Cant give that out https://t.co/0iVQXKNw6d
— Stuart Broad (@StuartBroad8) February 3, 2024
بعد ازاں اس میچ میں انگلینڈ نے زمبابوے کو 146 رنز سے شکست دے دی، انگلینڈ کے 237 رنز کے تعاقب میں زمبابوین ٹیم صرف 91 رنز بناکر ڈھیر ہوگئی۔