لاہور: پنجاب کے ضلع اٹک میں حضرو تحصیل میں آزاد امیدوار کے دفتر پر فائرنگ کا واقعہ پیش آیا ہے۔
ایکسپریس نیوز کے مطابق حضرو سے تعلق رکھنے والے آزاز امیدوار چنگیز خان کے دفتر پر نامعلوم افراد کی جانب سے فائرنگ کی گئی۔
چنگیز خان جو کہ صوبائی اسمبلی حلقہ پی پی ون اٹک سے انتخابات میں حصہ لے رہے ہیں، دفتر کے ایک کمرے میں نماز پڑھ رہے تھے۔
فائرنگ کا واقعہ چنگیز خان کے نماز پڑھنے کے بعد پیش آیا جب وہ دوسرے کمرے میں جاچکے تھے جس کی وجہ سے وہ حملے سے محفوظ رہے۔
نامعلوم افراد کی جانب کی فائرنگ سے گولیاں دروازے کو چیرتی ہوئی نکل گئیں۔ پولیس کو واقعے کی بروقت اطلاع دی گئی جس پر پولیس جائے وقوعہ پر پینچ گئی ہے جبکہ مزید تحقیقات جاری ہیں۔
