کوئٹہ: بلوچستان کے علاقے کچلاک میں بم دھماکے کے نتیجے میں تین افراد زخمی ہوگئے۔
ضلعی انتظامیہ کے مطابق کچلاس میں سڑک کنارے نصب بم زور دار دھماکے سے پھٹ گیا جس کے نتیجے میں تین افراد زخمی ہوئے جنہیں تشویشناک حالت میں اسپتال منتقل کردیا گیا ہے۔
دھماکے کے بعد پولیس اور سیکیورٹی فورسز نے نفری نے جائے وقوعہ پہنچ کر جگہ کو سیل کر کے شواہد اکھٹے کرلیے تاہم کسی بھی گروپ نے دھماکے کی ذمہ داری قبول نہیں کی ہے۔
اُدھر وزیراعلیٰ بلوچستان سرفراز بگٹی نے دھماکے کا نوٹس لیتے ہوئے رپورٹ طلب کی اور زخمیوں کو بہترین علاج کی سہولت فراہم کرنے کی ہدایت کردی۔
