لاہور: پاکستانی اداکارہ عائزہ اعوان نے کہا ہے کہ انہیں ٹی وی ڈراموں میں رونے دھونے والی خاتون کا کردار بہت پسند ہے اور وہ یہی کردار کرنا چاہتی ہیں۔

ایک تازہ انٹرویو میں اداکارہ کا کہنا تھا کہ انہیں رونے دھونے والے کردار کی بہت پریکٹس ہوگئی ہے اور اب اسے کرنے میں مزہ آتا ہے۔

عائزہ اعوان نے بتایا کہ ماضی میں وہ دوسرے کردار بھی کرنا چاہتی تھیں لیکن انہیں اس کا موقع نہیں دیا گیا۔

یاد رہے کہ عائزہ اعوان کو ٹی وی ڈرامہ ’مجھے بیٹا چاہئے‘ سے شہرت ملی اور انہوں نے فریاد، یہ نہ تھی ہماری قسمت، تکبر اور ایک جھوٹا لفظ محبت میں اپنی پرفارمنس دی۔